Cwnsela Gorllewin Cymru

Mae Area 43 yn darparu Gwasanaeth Cwnsela Ysgol Annibynnol a Chymunedol yn Sir Gaerfyrddin o’r Derbyn i Flwyddyn 13 a gwasanaethau cwnsela yn Ysgol Bro Pedr yng Ngheredigion ac Ysgol Bro Preseli yn Sir Benfro.

Rydym hefyd yn cynnig gwasanaeth cwnsela proffesiynol, cyfrinachol, sydd am ddim i bob person ifanc 14-25 oed sy’n gallu mynychu ein Caffi Ieuenctid Depot.

Mae gwasanaeth cwnsela Area 43 ar gael i bob plentyn a pherson ifanc, p’un a ydynt yn yr ysgol neu’n cael eu haddysgu gartref yn ddewisol, lleoliadau cymunedol a gellir cynnig sesiynau ar-lein fel dewis amgen i leoliadau ysgol fel y bo’n briodol. Bydd cwnselwyr yn sefydlu unrhyw ofynion arbennig yn ystod y rhyngweithiad cyntaf ac yn penderfynu ar y dewis iaith, gan sicrhau sensitifrwydd i wahaniaethau diwylliannol a allai gael effaith. Gall Area 43 gynnig cwnselwyr amgen yn ôl yr angen, gan ystyried rhyw ac iaith.

Mae cwnsela yn ffordd fedrus o helpu pobl â phroblemau ac anawsterau personol a datblygiadol mewn amgylchedd diogel a chyfrinachol sy’n rhoi cyfle iddyn nhw archwilio, darganfod ac egluro ffyrdd o fyw mewn ffordd fwy bodlon a dyfeisgar. Mae’n cynnig y cyfle i gynyddu hunanymwybyddiaeth, datblygu adnoddau personol a deall eu problemau yn ogystal â datblygu strategaethau i ymdopi â newid. Caiff ein gwasanaeth cwnsela ei ddarparu gan weithwyr proffesiynol hyfforddedig iawn ac yn cael ei reoli gan bobl sy’n deall yn llawn werthoedd, nodau a chyfyngiadau cwnsela.

Cynhelir gwasanaethau wyneb yn wyneb yn Ysgol Bro Pedr, Sir Gaerfyrddin ac Ysgol Bro Preseli rhwng dydd Llun a dydd Gwener yn ystod oriau ysgol. Mae cwnsela yn Depot fesul apwyntiad. Bydd pob perthynas cwnsela fel arfer yn cynnwys hyd at chwe sesiwn wythnosol ac yn eu dewis o iaith.

Mae ein prif swyddfa ar agor drwy gydol y flwyddyn, gyda ffonau’n cael eu hateb o bell 24/7 gan staff sy’n sensitif i anghenion plant a phobl ifanc, rhieni, gofalwyr a staff ysgol sy’n gofyn am atgyfeiriad i’r gwasanaeth cwnsela. Darparwn rieni â pherson deallgar i ymddiried ynddo, ar gyfer eu hanghenion llesiant eu hunain o ran plant a phobl ifanc. Mae gennym gwnselwyr a goruchwylwyr ar gael yn ystod gwyliau ysgol a thu allan i oriau ysgol. Felly, gyda chytundeb plant a phobl ifanc, cynhelir apwyntiadau naill ai’n bersonol neu o bell yn ystod yr amserau hyn.

Gallwch gyrchu gwasanaethau cwnsela trwy lenwi ein ffurflen atgyfeirio isod. Os hoffech siarad â rhywun o flaen llaw, gallwch siarad ag athro yn eich ysgol. Ffoniwch Area 43 ar 0800 0385778, sef rhif ffôn rhad ac am ddim neu 01239 614566 ar unrhyw adeg neu gofynnwch i weithiwr cymorth yn Depot.

Mae Area 43 yn derbyn atgyfeiriadau gan asiantaethau proffesiynol eraill, rhieni/gofalwyr, gweithwyr iechyd, gweithwyr ieuenctid a staff ysgol gan ddefnyddio’r un ffurflen atgyfeirio, ond ni all neb ‘wneud’ i chi gael cwnsela os nad ydych ei eisiau.

Mae Area 43 yn aelod gweithgar o Gymdeithas Cwnsela a Seicotherapi Prydain (BACP) a’i Hadran Plant a Phobl Ifanc. Rydym wedi ein hymrwymo i gefnogi Fframwaith Moesegol BACP ar gyfer Arfer Da mewn Cwnsela.